12 مئی کو آئی سی سی کرکٹ ورلڈکپ لیگ ٹو کے دوران ویوین کنگما کا سیمپل لیا گیا تھا جس کے بعد ان کا ڈوپنگ ٹیسٹ مثبت آیا تھا۔
آئی سی سی نے بیان میں کہا کہ نیدرلینڈز کے فاسٹ بولر ویوین کنگما پر آئی سی سی اینٹی ڈوپنگ کوڈ کی خلاف ورزی پر تین ماہ کی پابندی عائد کر دی گئی ہے۔
فاسٹ بولر کنگما نے جرم قبول کر لیا اور بتایا کہ یہ منشیات مقابلے کے دوران استعمال نہیں کی تھی۔
علاوہ ازیں آئی سی سی اینٹی ڈوپنگ کوڈ کے مطابق متحدہ عرب امارات کے خلاف مذکورہ میچ اور اس کے بعد کے میچوں سے کنگما کے ریکارڈ کو نااہل قرار دے دیا گیا ہے۔
فاسٹ بولر نے دو ون ڈے اور ایک ٹی 20 کے دوران دو وکٹیں حاصل کیں اور ایک رن بنایا تھا۔
کنگما نے 2014 میں ڈچ ٹیم کے لیے بین الاقوامی ڈیبیو کیا تھا، اب تک 28 ون ڈے اور 25 ٹی ٹوئنٹی کھیل چکے ہیں جس میں تمام فارمیٹس میں 62 وکٹیں حاصل کی ہیں
