افغانستان کے اہم کھلاڑی ایشیا کپ سے باہر

افغان کرکٹ بورڈ کے مطابق فاسٹ بولر نوین الحق کندھے کی انجری سے مکمل صحت یاب نہیں ہوسکے، میڈیکل ٹیم کی جانب سے انہیں فٹ قرار نہیں دیا گیا ہے۔
کرکٹ بورڈ کے مطابق فاسٹ بولر فٹنس اور ری ہیب کے لیے انگلینڈ جائیں گے۔
افغان کرکٹ بورڈ نے نوین الحق کی جگہ فاسٹ بولر عبداللہ احمد زئی کو اسکواڈ کا حصہ بنایا ہے
واضح رہے کہ افغانستان کرکٹ ٹیم ایشیا کپ کے گروپ بی میں موجود ہے جہاں وہ ایونٹ میں اپنا دوسرا میچ کل بنگلادیش کے خلاف کھیلے گی۔
افغانستان نے ایشیا کپ کے پہلے میچ میں ہانگ کانگ کو  باآسانی شکست دی تھی۔