یو اے ای کے کپتان محمد وسیم نے ٹی 20 انٹرنیشنل میچوں میں کیریئر کے 3000 رنز مکمل کرلیے وہ یہ اعزاز حاصل کرنے والے امارات کے پہلے اور مجموعی طور پر 11ویں بیٹر بن گئے ہیں۔
وسیم نے عمان کے خلاف 54 گیندوں پر 69 رنز کی شاندار اننگز کھیلی جس میں چھ چوکے اور تین چھکے شامل تھے۔
تین ہزار پلس رنز بنانے والے کھلاڑیوں میں محمد رضوان 3414 رنز کے ساتھ سرفہرست ہیں، انگلینڈ کے جوز بٹلر 3808 رنز کے ساتھ دوسرے اور آئرلینڈ کے کپتان پال اسٹرلنگ 3669 رنز کے سزاتھ تیسرے نمبر پر موجود ہیں۔
نیوزی لینڈ کے مارٹن گپٹل 3531 رنز کے ساتھ چوتھے اور آسٹریلیا کے ڈیوڈ وارنر 3277 رنز کے ساتھ پانچویں نمبر پر براجمان ہیں۔
واضح رہے کہ ایشیا کپ کے 7ویں میچ میں یو اے ای نے 5 وکٹوں کے نقصان پر 172 رنز بنائے اور عمان کو جیت کے لیے 173 رنز کا ہدف دیا ہے جس کے تعاقب میں عمان کی 4 وکٹیں 34 رنز پر گر گئی ہیں۔
یو اے ای کی جانب سے علیشان شرفو 51 اور کپتان محمد وسیم 69 رنز کے ساتھ نمایاں رہے۔
عمان کی جانب سے جیتن رامانندی نے دو کھلاڑیوں کو آؤٹ کیا، حسنین شاہ اور سمے شری واستو نے ایک، ایک وکٹ حاصل کی
