شعیب ملک نے وکٹ کیپر بیٹر محمد حارث کو مشورہ دے دیا

سابق کپتان شعیب ملک نے وکٹ کیپر بیٹر محمد حارث کی آئیڈیل بیٹنگ پوزیشن بتا دی۔
سابق کپتان شعیب ملک نے کہا کہ پاکستان کو اس امتزاج پر قائم رہنا چاہیے جس نے حال ہی میں افغانستان اور متحدہ عرب امارات کے خلاف سہ ملکی ٹی 20 سیریز میں کامیابی دلوائی۔
انہوں نے کہا کہ آپ کے پاس بائیں اور دائیں ہاتھ کے اوپنرز ہیں اگر دائیں ہاتھ کے کھلاڑی آؤٹ ہوتے ہیں تو محمد حارث کو تیسرے نمبر پر آنا چاہیے جبکہ فخر زمان کو اس کے بعد آنا چاہیے۔
سابق کپتان نے کہا کہ ابتدائی اوورز کے دوران فیلڈ کی پابندیوں کو استعمال کرتے ہوئے حارث موثر ثابت ہوسکتا ہے۔
شعیب ملک نے کہا کہ اگر ایسا نہیں ہوتا اور بائیں ہاتھ کا کھلاڑی فخر کے آنے کے ساتھ ہی آؤٹ ہوجاتا ہے تب بھی آپ کو پاور پلے کے دوران حارث کو بھیجنا چاہیے، نچلے نمبروں پر وہ غیر موثر ہوجاتا ہے کیونکہ وہ نیچرل پاور ہٹر نہیں ہے اور یہ نمبر اس کے لیے موزوں نہیں۔
انہوں نے کہا کہ محمد حارث کی بہترین واپسی اسی وقت ہوئی جب وہ تیسرے نمبر پر بیٹنگ کے لیے آیا۔
شعیب ملک نے کہا کہ اگر آپ ان کی حالیہ پرفارمنس پر نظر ڈالین تو اس نے تیسرے نمبر پر کھیلتے ہوئے رنز بنائے ہیں۔
واضح رہے کہ 24 سالہ نوجوان نے 28 ٹی ٹوئنٹی میں پاکستان کی نمائندگی کرتے ہوئے 137.21 کے اسٹرائیک ریٹ سے 424 رنز بنائے جس میں ایک سنچری بھی شامل ہے۔ تاہم حالیہ مہینوں میں ان کی فارم میں کمی آئی ہے۔