پرتشدد مظاہروں کے بعد نیپال میں سوشل میڈیا پر پابندی ختم کرنے کا اعلان

نیپال میں سوشل میڈیا پر پابندی کے خلاف پرتشدد مظاہروں کے بعد بالآخر حکومت نے اپنا فیصلہ واپس لے لیا۔
اس سلسلے میں سرکاری سطح پر اعلان کیا گیا ہے کہ نیپال میں سوشل میڈیا پرعائد پابندی ختم کردی گئی ہے۔
مذکورہ اعلان نیپال کے حکومتی ترجمان اور وزیراطلاعات پرتھوی سباگرونگ نے کیا، ترجمان نیپالی حکومت کا کہنا تھا کہ عوام اب دوبارہ سوشل میڈیا استعمال کرسکیں گے۔
واضح رہے کہ نیپال میں سوشل میڈیا پر پابندی کے خلاف مظاہرے کے شرکاء پر پولیس کی جانب سے شیلنگ اور ربڑ کی گولیوں کے استعمال کے نتیجے میں کم از کم 16 افراد ہلاک ہوگئے۔
خبر رساں ادارے اے ایف پی کے مطابق پیر کے روز نیپال پولیس کی جانب سے مظاہرین کو منتشر کرنے کے لیے ربڑ کی گولیاں، آنسو گیس اور واٹر کینن کا استعمال کیا گیا جس کے بعد کم از کم 16 مظاہرین ہلاک ہو گئے۔
مظاہرین حکومت سے سوشل میڈیا پر عائد پابندی ختم کرنے اور بدعنوانی کے خلاف کارروائی کا مطالبہ کر رہے تھے