لاہور میں جشن آزادی پر تقریب سے خطاب میں وزیراعلیٰ پنجاب مریم نواز نےکہا کہ معرکہ حق میں پاکستان کی مسلح افواج نے اپنے سےکئی گنا بڑی قوت کو دھول چٹائی، یہی جنگ اگر پاکستانی قوم تقسیم ہوکر لڑتی تو قسم سے یہ جنگ ہم کبھی بھی نہ جیتتے، فیلڈ مارشل عاصم منیر کو خراج تحسین پیش کرتی ہوں، جن کی لیڈر شپ میں پاکستان ایسی کامیابی سے ہمکنار ہوا کہ دنیا دیکھتی رہ گئی۔دنیا جان گئی ہے، بنیان مرصوص کا مطلب کیا ہوتا ہے، سیسہ پلائی دیوار کا مطلب کیا ہوتا ہے، اب غربت، جہالت اور فتنے فساد کے خلاف جنگ ہوگی او ر ہم یہ جنگ ضرور جیتیں گے۔
انہوں نے کہا کہ دنیا ابھی تک سوچ رہی ہے کہ یہ کیا ہوگیا کہ پاکستان نے رافیل طیارے مار گرائے، اب غربت، جہالت اور فتنے فساد کے خلاف جنگ ہوگی ۔پاکستان کو معاشی طور پر بھی مضبوط بنائیں گے، ملک کو غربت سے نکالنے کے لیے میں کوئی کسر نہیں چھوڑوں گی۔
یہ مٹی زرخیز ہے، تھوڑا سا پانی اور محنت مانگتی ہے، اللہ تعالیٰ پاکستان کو سلامت رکھے۔
