یورپ بھر میں شدید ہیٹ ویو برقرار ہے، جہاں مختلف ممالک میں درجہ حرارت خطرناک حد تک بڑھ گیا ہے۔ ہنگری میں پارہ 42 ڈگری سینٹی گریڈ سے تجاوز کر گیا، جبکہ سلواکیہ اور جمہوریہ چیک میں بھی درجہ حرارت 40 ڈگری سے اوپر ریکارڈ کیا گیا۔
اٹلی کے 22 شہروں میں شدید گرمی کے باعث ریڈ الرٹ جاری کر دیا گیا ہے، جبکہ کروشیا، البانیہ اور بوسنیا میں جنگلات میں آگ بھڑک اٹھی ہے۔
ماہرین نے فرانس، اسپین، جرمنی، اٹلی، سوئٹزرلینڈ اور برطانیہ میں آئندہ ہفتے مزید شدید گرمی کی پیش گوئی کی ہے۔
دوسری جانب امریکا کے وسطی اور مشرقی علاقوں میں بھی خطرناک گرمی کی وارننگ جاری کرتے ہوئے رواں ہفتے درجہ حرارت 38 ڈگری سینٹی گریڈ تک پہنچنے کا امکان ظاہر کیا گیا ہے۔
