گڈز ٹرانسپورٹرز اور حکومت کے درمیان مذاکرات آج اسلام آباد میں ہوں گے۔ میڈیا رپورٹس کے مطابق حکومت اور ٹرانسپورٹرز کے درمیان مذاکرات کے پہلے تین دور بے نتیجہ رہے، تاہم آج ہونے والے مذاکرات میں اہم معاملات پر پیش رفت متوقع ہے۔
ذرائع کے مطابق پیٹرول اور ڈیزل کی قیمتوں میں روزانہ ردوبدل کی پالیسی پر نظرثانی، موٹرویز پر ٹول ٹیکس اور بھاری جرمانوں میں کمی سمیت دیگر مطالبات پر بات چیت ہوگی۔
مذاکرات کامیاب ہونے کی صورت میں وفاقی وزرا اور گڈز ٹرانسپورٹرز مشترکہ پریس کانفرنس بھی کریں گے۔ ملک بھر میں گڈز ٹرانسپورٹرز کی ہڑتال آج چوتھے روز میں داخل ہوگئی ہے۔
