وینزویلا میں 24 جون کو آنے والے تباہ کن زلزلے کے بعد ہلاکتوں کی تعداد بڑھ کر 1,719 ہو گئی ہے، جبکہ تقریباً 5 ہزار افراد زخمی اور 12 ہزار سے زائد بے گھر ہو چکے ہیں۔ حکام کے مطابق لاپتہ افراد کی حتمی تعداد تاحال سامنے نہیں آ سکی۔
اقوام متحدہ کے نمائندے گیانلوکا رامپولا نے نیویارک میں پریس بریفنگ کے دوران بتایا کہ حالیہ دنوں میں مزید 7 افراد کو ملبے سے زندہ نکالا گیا ہے اور امدادی ٹیمیں مسلسل سرچ آپریشن میں مصروف ہیں۔ انہوں نے کہا کہ بڑھتی ہوئی ہلاکتوں کے پیش نظر اقوام متحدہ اور وینزویلا کے حکام نے 10 ہزار باڈی بیگز کی خریداری پر بھی اتفاق کیا ہے۔
حکام کے مطابق زلزلے سے سات ریاستیں متاثر ہوئی ہیں، جبکہ لا گویرا اور کاراکاس میں سب سے زیادہ جانی نقصان کا خدشہ ظاہر کیا جا رہا ہے۔ تقریباً 2,500 عمارتیں متاثر ہوئی ہیں، جن میں سے بڑی تعداد مکمل طور پر منہدم ہو چکی ہے۔
