نیپال کے سرحدی علاقوں میں گلیشیئر پھٹنے کے بعد آنے والے تباہ کن سیلاب کے نتیجے میں امدادی کارروائیاں جاری ہیں، جبکہ مزید درجنوں لاشیں ملنے کے بعد ہلاکتوں کی تعداد 1003 تک پہنچ گئی ہے۔
ریسکیو حکام کے مطابق نیپالی فوج نے ایک عمارت سے 24 افراد کی لاشیں برآمد کی ہیں، جبکہ تقریباً 5 ہزار افراد تاحال لاپتا ہیں۔ مختلف منصوبوں میں کام کرنے والے 900 سے زائد مزدوروں کے بھی لاپتا ہونے کی اطلاعات ہیں۔
حکام سیکڑوں نامعلوم لاشوں کی تدفین اجتماعی قبروں میں کر رہے ہیں، جبکہ سرنگوں میں پھنسے کارکنوں کو نکالنے کے لیے بھی ریسکیو آپریشن جاری ہے۔
دوسری جانب چینی محکمہ موسمیات نے خبردار کیا ہے کہ سیلاب سے متاثرہ علاقے میں ایک اور عارضی جھیل کی سطح بلند ہونے کا خدشہ ہے، جس سے مزید سیلابی صورتحال پیدا ہوسکتی ہے۔
نیپال اور چین کے سرحدی علاقے میں گزشتہ ہفتے آنے والے شدید سیلاب نے بڑے پیمانے پر تباہی مچائی، جس کے بعد امدادی ادارے متاثرہ علاقوں میں تلاش اور بحالی کی کارروائیوں میں مصروف ہیں۔
