چیف الیکشن کمشنر کی سربراہی میں چار رکنی کمیشن نے کیسز کی سماعت کی۔ پی کے میپ کے وکیل نے تفصیلی دلائل کے لیے مزید مہلت کی درخواست کرتے ہوئے بتایا کہ الیکشن کمیشن کا حکم بلوچستان ہائیکورٹ میں چیلنج کیا جاچکا ہے، جہاں کیس کی آئندہ سماعت 21 ستمبر کو مقرر ہے۔
الیکشن کمیشن حکام نے بتایا کہ انٹرا پارٹی انتخابات کے لیے 180 دن کی مہلت سے متعلق بلوچستان ہائیکورٹ نے حکمِ امتناع دے رکھا ہے، تاہم دیگر دو مقدمات پر کوئی اسٹے نہیں۔
کمیشن نے پی کے میپ کو اعتراضات کا جواب جمع کرانے کی ہدایت کرتے ہوئے عدم تعمیل پر یکطرفہ فیصلہ کرنے کا انتباہ بھی دیا۔
وکیل کی مزید وقت دینے کی استدعا منظور کرتے ہوئے الیکشن کمیشن نے سماعت 15 ستمبر تک ملتوی کردی۔
