سوشل میڈیا پر غیر اخلاقی ویڈیو وائرل ہونے کے بعد اداکار سہیل سمیر نے صارفین سے معذرت کرتے ہوئے اپنی غلطی تسلیم کرلی۔
انسٹاگرام پر جاری بیان میں سہیل سمیر نے کہا کہ وہ ان تمام افراد سے معذرت خواہ ہیں جنہیں وائرل کلپ کے باعث دکھ، تکلیف یا مایوسی ہوئی۔ ان کے مطابق یہ کلپ تقریباً 10 سال پرانا ہے اور اس وقت انہیں اندازہ نہیں تھا کہ ماضی کی کوئی حرکت مستقبل میں اس طرح سامنے آسکتی ہے۔
اداکار نے کہا کہ انہیں اس وقت ایسا مواد نہیں کرنا چاہیے تھا، حالات جیسے بھی ہوں، اور وہ اس پر دل سے شرمندہ اور افسردہ ہیں۔
سہیل سمیر کا کہنا تھا کہ عزت بنانے میں سالوں لگ جاتے ہیں، لیکن اسے ختم ہونے میں صرف ایک لمحہ لگ سکتا ہے۔
