تباہ کن سیلاب کے بعد ملبے تلے دبے مقامی بینک کے لاکرز سے کروڑوں روپے مالیت کا سونا، نقد رقم اور اہم دستاویزات برآمد کرلی گئیں۔
غیر ملکی میڈیا کے مطابق پولیس نے کئی گھنٹوں کی کارروائی کے بعد تریشولی ڈھونگے شاخ کے ملبے سے لاکرز تلاش کیے۔
پولیس کے مطابق لاکرز سے تقریباً 50 کروڑ نیپالی روپے مالیت کا سونا، ڈیڑھ کروڑ روپے نقد اور متعدد اہم دستاویزات برآمد ہوئیں، جنہیں محفوظ مقام پر منتقل کردیا گیا۔
جاری ویڈیو میں پولیس اہلکاروں کو بینک کے بیسمنٹ تک پہنچنے کے لیے ملبہ ہٹاتے دیکھا جاسکتا ہے، جبکہ بھاری مشینری کی مدد سے لاکرز بھی باہر نکالے گئے۔
حالیہ سیلاب سے نیپال میں متعدد عمارتیں اور گاڑیاں ملبے تلے دب گئیں، جبکہ کئی بینکوں کو بھی شدید نقصان پہنچا ہے۔
