شالیمار ایکسپریس ایک ماہ کے لیے معطل، لاہور تا فیصل آباد ریلوے آپریشن متاثر

پاکستان ریلویز نے لاہور اور کراچی کے درمیان چلنے والی پریمیئم شالیمار ایکسپریس کو ایک ماہ کے لیے معطل کر دیا ہے۔ ریلوے انتظامیہ کے مطابق ٹرین لاہور سے فیصل آباد کے راستے کراچی جاتی ہے، تاہم قلعہ ستار شاہ مسن کالر ریلوے پل سیلابی پانی سے متاثر ہونے کے باعث لاہور اور فیصل آباد کے درمیان ٹرین آپریشن عارضی طور پر بند کر دیا گیا ہے، جس کے نتیجے میں شالیمار ایکسپریس کی سروس بھی ایک ماہ کے لیے معطل کر دی گئی ہے۔