حکومت کی آئی ایم ایف کو بجلی اور گیس کے نرخوں میں اضافے کی یقین دہانی

حکومت نے آئی ایم ایف کو یقین دہانی کرائی ہے کہ پروٹیکٹڈ صارفین کے علاوہ بجلی اور گیس کے نرخوں میں اضافہ کیا جائے گا۔ ذرائع کے مطابق قیمتوں میں اضافے کا مقصد توانائی شعبے کے مالی خسارے کو کم کرنا اور آئی ایم ایف کی شرائط پوری کرنا ہے۔ آئی ایم ایف اور حکومت کے مابین بجٹ مذاکرات جاری ہیں، جس میں توانائی شعبے میں اصلاحات، گردشی قرضے میں کمی اور آئندہ مالی اہداف پر تفصیلی بریفنگ دی گئی۔