سوشل میڈیا پر گردش کرنے والی اطلاعات میں دعویٰ کیا جا رہا ہے کہ نامعلوم ہیکرز نے بھارت کے بعض نیوز چینلز کی نشریات کو نشانہ بنایا، جس کے باعث لائیو براڈکاسٹ کے دوران غیر متوقع مواد نشر ہوا۔
رپورٹس کے مطابق مبینہ طور پر ٹی وی نائن تیلگو اور فریڈم ٹی وی کنڑ کی نشریات سائبر حملے سے متاثر ہوئیں، جبکہ یہ دعویٰ بھی کیا گیا کہ ایک موقع پر پاکستان کا قومی ترانہ نشر ہوا۔ تاہم اس واقعے کی آزاد ذرائع سے تاحال تصدیق نہیں ہو سکی اور نہ ہی متعلقہ بھارتی چینلز یا حکام کی جانب سے کوئی باضابطہ اور تفصیلی بیان جاری کیا گیا ہے۔
سائبر سیکیورٹی ماہرین کے مطابق اگر بیرونی مداخلت ثابت ہوتی ہے تو واقعے کی مکمل تکنیکی تحقیقات کے بعد ہی حملے کی نوعیت اور ذمہ دار عناصر کے بارے میں حتمی معلومات سامنے آئیں گی۔
