نئی دہلی: بھارت نے گزشتہ سال پاکستان کے خلاف مبینہ جارحیت کے دوران ہلاک ہونے والے 6 فوجیوں کی شناخت سرکاری سطح پر ظاہر کر دی ہے۔
بھارتی اخبار دی ہندو کی رپورٹ کے مطابق حکومت کی جانب سے جاری فہرست میں ہلاک اہلکاروں کے نام شامل کیے گئے ہیں، جن میں بھارتی فوج کے 5 اور بھارتی فضائیہ کا ایک اہلکار شامل ہے
رپورٹ کے مطابق ہلاک ہونے والوں میں میجر پون کمار، سنیل کمار، لانس نائیک دنیش کمار، اگنی ویر، حوالدار سنیل کمار سنگھ اور بھارتی فضائیہ کے سارجنٹ سریندر کمار شامل ہیں۔
اخبار کے مطابق ان اہلکاروں کے نام ان فوجیوں کے ساتھ شامل کیے گئے ہیں جو گزشتہ سال مختلف واقعات میں ہلاک ہوئے تھے، تاہم بھارتی حکومت نے ان واقعات کی تفصیلات عام نہیں کیں۔
