ایران اسرائیل کشیدگی، پاکستان سے خلیجی پروازیں منسوخ

ایران اور اسرائیل کے درمیان بڑھتی کشیدگی کے باعث اسلام آباد، کراچی اور فیصل آباد سے متحدہ عرب امارات اور دیگر خلیجی ممالک جانے والی متعدد ملکی و غیر ملکی پروازیں معطل کر دی گئی ہیں۔ اسلام آباد انٹرنیشنل ایئرپورٹ سے مسلسل چوتھے روز بھی مشرق وسطیٰ جانے والی کئی پروازیں منسوخ رہیں جن میں ایئر بلیو کی اسلام آباد سے دبئی جانے والی پرواز اور برٹش ایئرویز کی لندن جانے والی پرواز بھی شامل ہے۔ اسی طرح ایئر سیال کی ابو ظہبی، قومی ایئر لائن کی دبئی، گلف ایئر کی بحرین جبکہ قطر ایئرویز کی دوحا جانے والی دو پروازیں بھی منسوخ کر دی گئی ہیں جس کے باعث مسافروں کو شدید مشکلات کا سامنا کرنا پڑ رہا ہے۔