امریکا کی دھمکیاں، کیوبا کا قیدیوں کو رہا کرنے کا اعلان

کیوبا کی حکومت نے 2,010 قیدیوں کو رہا کرنے کا اعلان کیا ہے، جسے مقدس ہفتے کے موقع پر ایک “انسان دوستی کے اشارے” کے طور پر پیش کیا گیا ہے۔ یہ اعلان ایسے وقت میں سامنے آیا ہے جب ٹرمپ انتظامیہ کی جانب سے تیل کی پابندیوں اور ممکنہ حملے کی دھمکیوں کے باعث کیوبا پر دباؤ بڑھ رہا ہے۔ دوسری جانب ملک بھر میں بلیک آؤٹ نے معمولاتِ زندگی کو شدید متاثر کر رکھا ہے۔ حکام کے مطابق رہائی پانے والوں میں غیر ملکی اور مقامی قیدی شامل ہیں، جن میں خواتین، بزرگ اور نوجوان بھی ہیں، تاہم رہائی کی تاریخ، شرائط اور قیدیوں کے جرائم سے متعلق تفصیلات جاری نہیں کی گئیں۔