پیٹرول بم نامنظور، جماعت اسلامی کا ملک بھر میں احتجاج کا اعلان

امیرِ جماعتِ اسلامی پاکستان حافظ نعیم الرحمان نے پیٹرولیم مصنوعات کی قیمتوں میں اضافے کو مسترد کرتے ہوئے اسے عوام پر “پیٹرول بم” قرار دیا ہے۔ انہوں نے اعلان کیا کہ آج سے ملک بھر میں اس فیصلے کے خلاف احتجاجی تحریک شروع کی جائے گی۔ ان کا کہنا تھا کہ اس اضافے سے غریب اور متوسط طبقہ بری طرح متاثر ہوگا، جبکہ بائیکرز، ڈیلیوری ورکرز، طلبہ اور مزدوروں پر اس کے براہِ راست اثرات پڑیں گے۔ انہوں نے حکومت پر تنقید کرتے ہوئے کہا کہ حکمران اپنی عیاشیاں کم کرنے کو تیار نہیں اور عوام پر ظلم کی انتہا ہو چکی ہے۔