عمان: نائب وزیراعظم اور وزیر خارجہ سینیٹر اسحاق ڈار یروشلم سے متعلق وزارتی اجلاس میں شرکت کے لیے اردن کے دارالحکومت عمان پہنچ گئے۔
دفتر خارجہ کے ترجمان کے مطابق اسحاق ڈار اجلاس میں پاکستان کی نمائندگی کریں گے، جس کا مقصد مقبوضہ بیت المقدس کی تیزی سے بدلتی صورتحال پر مشترکہ اور متفقہ مؤقف اپنانا ہے۔
وزارت خارجہ کے مطابق اجلاس میں شرکت کے علاوہ نائب وزیراعظم دیگر ممالک کے وزرائے خارجہ سے ملاقاتیں بھی کریں گے، جن میں مقبوضہ فلسطینی علاقوں کی صورتحال اور خطے کے معاملات پر تبادلہ خیال کیا جائے گا۔
