مریم نواز نے کرسمس کے موقع پر مسیحی ملازمین کو ایک تنخواہ بطور بونس دینے کا اعلان کر دیا ہے۔
لاہور میں الحمرا آرٹس کونسل میں کرسمس کی خصوصی تقریب منعقد کی گئی، جس میں وزیر اطلاعات و ثقافت پنجاب عظمیٰ بخاری بطور مہمان خصوصی شریک ہوئیں۔
تقریب کے دوران مسیحی برادری سے اظہارِ یکجہتی کیا گیا اور کہا گیا کہ پنجاب حکومت اقلیتوں کے حقوق کے تحفظ اور ان کی فلاح و بہبود کے لیے عملی اقدامات کر رہی ہے۔
حکومتی اعلامیے کے مطابق کرسمس بونس کا مقصد مسیحی ملازمین کی حوصلہ افزائی کرنا اور خوشیوں کے اس موقع پر انہیں ریلیف فراہم کرنا ہے۔
انہوں نے کہا کہ کرسمس کے تہوار پر مسیحی بہن بھائیوں کی خوشیوں میں برابر کے شریک ہیں، ان کا کہنا تھا کہ اقلیتیں وزیراعلیٰ پنجاب کے دل کے بہت قریب ہیں۔
