وزیراعظم شہباز شریف کی سہیل آفریدی کو وزیراعلیٰ کےپی منتخب ہونے پر مبارکباد

وزیراعظم اور وزیراعلیٰ خیبر پختونخوا کے درمیان ٹیلفونک رابطہ ہوا ہے، شہباز شریف نے سہیل آفریدی کو وزیراعلیٰ منتخب ہونے پر مبارکباد دی۔
رہنما نیوز کے مطابق وزیراعظم شہباز شریف نے کال پر گفتگو کرتے ہوئے نومنتخب وزیراعلیٰ کےپی سہیل آفریدی کو مبارکباد دی اور انھیں کہا کہ پاکستان کے مفاد میں وفاق آپ کے ساتھ مل کر چلنے کو تیار ہے۔
وزیراعلیٰ خیبر پختونخوا سہیل آفریدی نے وزیراعظم شہباز شریف کی جانب سے فون کرنے پر ان کا شکریہ ادا کیا۔
سہیل آفریدی کا کہنا تھا کہ وزیراعظم شہباز شریف سے بانی پی ٹی آئی سے ملاقات کرانے کا کہا، وزیراعظم نے کہا کہ تھوڑی دیر بعد بتاتا ہوں مگر پھر ان کا جواب نہیں آیا۔
وزیراعلیٰ خیبر پختونخوا سہیل آفریدی کا کہنا ہے کہ کے پی کابینہ عمران خان کے مشورے سے تشکیل دوں گا۔
سہیل آفریدی نے میڈیا سے گفتگو میں کہا کہ عمران خان سے ملاقات کے لیے اڈیالہ جیل آیا ہوں، ان کو کابینہ کے حوالے سے تجاویز پیش کروں گا۔
انہوں نے کہا کہ بطور وزیر اعلیٰ ایڈوائزری کونسل میں بناؤں گا، ہمارے لیے سب سے پہلے پاکستان ہے اس کے بعد باقی چیزیں ہیں