ٹک ٹاکر اقرا کنول کے شوہر مشکل میں پھنس گئے

تفصیلات کے مطابق نیشنل سائبر کرائم انویسٹی گیشن ایجنسی (NCCIA) نے آن لائن بیٹنگ اور جوا پھیلانے والے یوٹیوبرز اور انفلوئنسرز کے خلاف تحقیقات تیز کر دی گئی ہیں۔
کریک ڈاؤن کے دوران یوٹیوبر اقرا کے شوہر عریب پرویز کو غیر قانونی ایپس اور جوا کے فروغ پر آج طلب کیا گیا ہے۔
اقرا کو بھی NCCIA نے نوٹس جاری کیا تھا تاہم زچگی کے باعث وہ پیش نہ ہوسکیں۔
ذرائع نے بتایا کہ یوٹیوبرز رجب بٹ، اقرا اور انس علی کو 9 ستمبر کو طلب کیا گیا تھا تاہم اقرا کے خلاف تحقیقات ان کی حمل اور صحت کی صورتحال کے باعث عارضی طور پر مؤخر کی گئی ہیں۔
انہوں نے اپنے وکیل بیرسٹر میاں علی اشفاق کے ذریعے تحریری جواب جمع کرایا اور مؤقف اختیار کیا کہ ڈاکٹرز کی ہدایت کے مطابق انہیں کم از کم دو ماہ آرام کی ضرورت ہے۔
تحقیقات میں انکشاف ہوا تھا کہ پاکستان میں آن لائن جوا بڑھنے کی ایک بڑی وجہ سوشل میڈیا انفلوئنسرز ہیں جو نوجوانوں کو نشانہ بنا کر ان ایپس کی تشہیر کر رہے ہیں۔
معروف یوٹیوبرز جیسے سعد الرحمان عرف ڈکی بھائی سمیت کئی بڑے نام بھی اس دائرہ کار میں آ چکے ہیں