اسلام آباد – بھارتی میڈیا نے تصدیق کی ہے کہ آسٹریلیا کے شہر سڈنی کے بونڈی ساحل پر حملہ کرنے والے ساجد اکرم بھارتی شہری تھے۔
رپورٹس کے مطابق ساجد اکرم 1998 میں بھارتی شہر حیدرآباد سے آسٹریلیا منتقل ہوئے۔ بھارتی سکیورٹی اسٹیبلشمنٹ کے ذرائع نے میڈیا کو بتایا کہ ساجد اکرم کا تعلق بھارتی ریاست تلنگانہ کے شہر حیدرآباد سے ہے، اور ان کا بیٹا نوید اکرم آسٹریلیا میں پیدا ہوا۔
یاد رہے کہ دو روز قبل سڈنی کے بونڈی ساحل پر دو حملہ آوروں نے فائرنگ کی، جس کے نتیجے میں ایک حملہ آور سمیت 16 افراد ہلاک اور تقریباً 40 زخمی ہوئے تھے۔
اس واقعے نے آسٹریلیا میں سیکیورٹی خدشات کو بڑھا دیا ہے اور بھارتی حکام نے اپنے شہریوں کے حوالے سے تحقیقات میں تعاون کرنے کا اعلان کیا ہے۔
