اقوامِ متحدہ میں پاکستان کے مستقل مندوب عاصم افتخار نے سلامتی کونسل کے مباحثے سے خطاب میں کہا کہ مئی 2025 میں بھارت کی جارحیت کے جواب میں پاکستان نے یو این منشور کے مطابق اپنے فطری حقِ دفاع کا استعمال کیا۔
انہوں نے یکطرفہ اقدامات کو عالمی امن کے لیے خطرہ قرار دیتے ہوئے کہا کہ ایسی پالیسیاں اجتماعی سلامتی کو کمزور اور کثیرالجہتی اداروں کی ساکھ کو متاثر کرتی ہیں۔
مندوب کا کہنا تھا کہ پاکستان کو خود بھی ایسے اقدامات اور خلاف ورزیوں کا سامنا رہا ہے۔
عاصم افتخار نے کہا کہ بھارت کی جانب سے سندھ طاس معاہدہ کی معطلی عالمی ذمہ داریوں کی خلاف ورزی ہے۔
