شوبز انڈسٹری کی سینئر اداکارہ عتیقہ اوڈھو نے شان شاہد کو ڈراموں میں دیکھنے کی خواہش ظاہر کردی۔

اداکارہ عتیقہ اوڈھو جو اپنی خوبصورت شخصیت اور بہترین اداکاری کی صلاحیتوں کی وجہ سے تعریف کی جاتی ہیں۔ انہوں بہت سے مقبول ڈرامہ سیریل میں اداکاری کے جوہر دکھائے ہیں۔
اب وہ بطور جج شریک میزبانی کر رہی ہیں۔ عتیقہ اوڈھو اکثر ٹی وی شوز میں اپنے بے باک اور وائرل ہونے والے بیانات کی وجہ سے سرخیوں میں رہتی ہیں۔
اپنے حالیہ ایپی سوڈ میں انہوں نے اپنی خواہش کا اظہار کیا کہ شان شاہد صائمہ، بابر علی اور جاوید شیخ کی طرح ٹیلی ویژن پر نظر آئیں۔
’میں منٹو نہیں ہوں‘ کا جائزہ لیتے ہوئے عتیقہ اوڈھو نے اپنی خواہش کا اظہار کرتے ہوئے کہا کہ میں شان شاہد کو پاکستانی ڈراموں میں دیکھنا چاہتی ہوں کیونکہ وہ ایک فلمی اداکار ہیں جو ٹیلی ویژن کی ایک الگ چمک یا جہت لائے گا، ہمیں شان کی کمی محسوس ہوتی ہے، وہ ٹیلی ویژن اور فلم بھی نہیں کر رہا یا جو کچھ کر رہا ہے وہ کافی نہیں ہے۔
انہوں نے کہا کہ شان کو مزید کام کرنا چاہیے، مجھ جیسے بڑے اسٹار کو پروڈیوس کرنے کی ضرورت ہے کیونکہ اس کے لیے کسی بڑے اداکار کی ضرورت ہے۔
اسے ڈرامے کے لیے ڈھیروں پیسے دیں کیونکہ پھر لوگ اس کے دیوانے ہو جائیں گے، وہ یقیناً ریکارڈ توڑ دے گا۔
نادیہ خان نے مزید کہا کہ ٹی وی ہمارا سب سے بڑا میڈیم ہے اور اسے ٹی وی پر آنا چاہیے