شاہ رخ خان نے 30 سال بعد پہلا نیشنل فلم ایوارڈ حاصل کرلیا

بالی ووڈ میں تیس سال سے زائد عرصہ گزارنے کے بعد سپر اسٹار شاہ رخ خان نے آخرکار اپنا پہلا نیشنل فلم ایوارڈ وصول کرلیا۔
59 سالہ اداکار نے دہلی میں 73ویں نیشنل فلم ایوارڈز کی تقریب میں بہترین اداکار کا پہلا قومی فلم ایوارڈ حاصل کیا ہے۔
یہ ایوارڈ انہیں صدر دروپدی مرمو نے وگیان بھون میں پیش کیا اس موقع پر منیجر پوجا ددلانی بھی موجود تھیں۔
شاہ رخ خان نے یہ ایوارڈ ایٹلی کی 2023 کی بلاک بسٹر فلم ’جوان‘ میں ایکشن سے بھرپور اداکاری پر یہ ایوارڈ حاصل کیا ہے، فلم اس سال کی سب سے بڑی ہٹ ثابت ہوئی تھی۔
اداکار نے کہا کہ مجھے نیشنل ایوارڈ سے نوازنے کے لیے شکریہ، جیوری، آئی اینڈ بی منسٹری کا بھی شکر گزار ہوں۔
شاہ رخ خان نے کہا کہ نیشنل ایوارڈ سے نوازا جانا ایک ایسا لمحہ ہے جسے میں زندگی بھر یاد رکھوں گا، ان کا بھی شکریہ جنہوں نے مجھے اس اعزاز کے لائق سمجھا ہے۔
واضح رہے کہ شاہ رخ خان، جنہیں دنیا بھر میں ‘کنگ آف بالی وڈ’ کے طور پر جانا جاتا ہے نے 1992 میں فلم ‘دیوانا’ سے اپنے فلمی سفر کا آغاز کیا تھا۔
انہوں نے اپنے فلمی کیریئر میں ‘دل والے دلہنیا لے جائیں گے’، ‘چک دے! انڈیا’، ‘کچھ کچھ ہوتا ہے’ جیسی کئی مشہور فلموں میں اپنی شاندار اداکاری سے مداحوں کے دلوں پر راج کیا