سعودیہ نے مسلسل 5 ویں برس ورلڈ کلاس APEX ایوارڈ حاصل کر لیا

سعودی ایئرلائن کو یہ ایوارڈ ایئرلائن پسنجر ایکسپیریئنس ایسوسی ایشن APEX ورلڈ کلاس عالمی ایوارڈز کی تقریب میں دیا گیا۔ اس کے علاوہ سعودیہ کو مسلسل دوسرے سال مسافروں کو خدمات کی فراہمی کے حوالے سے بیسٹ ان کلاس کے اعزاز سے بھی نوازا گیا۔
تقریب میں مسافروں کے سفری تجربے میں اضافے، خدمات کی فراہمی اور چار براعظموں میں پھیلے اس کے 100 سے زیادہ مقامات کے نیٹ ورک میں آپریشنل حفاظت کے اعلیٰ ترین معیار کو یقینی بنانے کی سعودی ایئرلائن کی حکمت عملی کو سراہا گیا۔
اس حوالے سے سعودیہ کے چیف گیسٹ ایکسپیرئنس آفیسر Rossen Dimitrov نے کہا کہ ”مسلسل پانچویں برس APEX ورلڈ کلاس اور مسلسل دوسرے سال سروس کے لیے بہترین کلاس کے اعزاز کا حصول سعودیہ کی ٹیم کے اراکین کی لگن اور پیشہ ورانہ مہارت کا حقیقی ثبوت ہے۔
ایپکس ورلڈ کلاس ایوارڈ کو ایئر لائن انڈسٹری میں بہترین کارکردگی کا اعلیٰ ترین اعزاز سمجھا جاتا ہے۔ یہ ایئر لائن انڈسٹری کے پروفیشنلز کی جانب سے کیے گئے ایک جامع جانچ پر مبنی ہوتا ہے۔ جب کہ بیسٹ ان کلاس کے اعلیٰ اعزاز سے اس فضائی کمپنی کو نوازا جاتا ہے جو مسافروں کو خدمات کی فراہمی کے حوالے سے زیادہ عالمی اسکور حاصل کرتی ہے۔
سعودی عرب اور پاکستان کے درمیان مشترکہ مضبوط ثقافتی، مذہبی اور اقتصادی تعلق کو مد نظر رکھتے ہوئے سعودیہ پاکستانی مارکیٹ کے ساتھ فعال طور پر اپنے آپریشنز کو مزید مضبوط کر رہی ہے۔
ایئرلائن پاکستانی مسافروں کو حج وعمرہ، کاروباری دوروں یا بین الاقوامی سفر کے لیے ایک عالمی معیار کا سفری تجربہ فراہم کر کے مملکت سے ملانے میں اہم کردار ادا کرتی ہے۔
سعودیہ کی جانب سے اس بات کو یقینی بنایا جاتا ہے کہ پاکستانی مسافروں کیلیے سعودی عرب اور پاکستان کے درمیان سفر کو آرام دہ، باعزت اور یادگار بنایا جاسکے