ثانیہ مرزا ناصرف اپنے کھیلوں کی کامیابی بلکہ پرتعیش طرز زندگی کے لیے بھی مشہور ہیں اور سوشل میڈیا پر اپنی تصاویر اکثر شیئر کرتی رہتی ہیں۔
سابق ٹینس اسٹار نے والد عمران مرزا کی سالگرہ مناتے ہوئے ایک خوبصورت تصویر شیئر کی۔
ثانیہ مرزا تصویر میں اپنے اہلخانہ کے ساتھ موجود ہیں لیکن جس چیز نے لوگوں کی نگاہوں کو اپنی طرف کھینچ لیا وہ پیلے رنگ کی پورشے 718 باکسسٹر ہے۔
یہ پڑھیں: ثانیہ مرزا کا ’محبت بھرا خط‘ سوشل میڈیا پر وائرل
تصویر میں ثانیہ مرزا کو والد کو ڈرائیو پر لے جاتے ہوئے دکھایا گیا ہے۔ ان کے پاس اوڈیز سے لے کر بی ایم ڈبلیو تک کئی لگژری گاڑیاں موجود ہیں۔
فروری 2023 میں ٹینس سے ریٹائرمنٹ کے بعد سے ثانیہ نے بہت سی سرگرمیوں میں حصہ لیا اور ان کی دلچسپی تربیتی اکیڈمی اور انٹرپرینیور میں بھی ہے۔
