سامعہ حجاب کا نیا بیان سوشل میڈیا پر وائرل

ٹک ٹاکر سامعہ حجاب کا کہنا ہے کہ اگر حسن زاد جیل سے چھوٹ گیا تو مجھ سے بدلہ ضرور لے گا۔
حالیہ انٹرویو میں ٹک ٹاکر سامعہ حجاب نے کہا کہ ایک بار حسن زاہد نے مجھے اپنے دوست کے سامنے تشدد کا نشانہ بنایا تھا وہ مجھے شادی سے انکار پر اغوا کرنا چاہتا تھا۔
انہوں نے کہا کہ حسن جیل میں ہے پھر بھی مجھے اس سے خوف آتا ہے۔
ایک سوال کے جواب میں سامعہ نے کہا کہ میں نے ایف آئی آر درج کروائی تو وہ اگلے دن کالے ڈالے میں بندوق کے ساتھ نمبر پلیٹس اتار کے آیا اور جان سے مارنے کی دھمکی دی جس کے بعد دوسرا مقدمہ درج کروایا۔
یہ پڑھیں: حسن زاہد سے منگنی؟ سامعہ حجاب کی نئی ویڈیو میں تہلکہ خیز انکشاف
سامعہ حجاب نے کہا کہ میں 6 ماہ سے حسن کو جانتی ہوں لیکن 3 ماہ قبل ثنا یوسف کے واقعے کے بعد سے ہی میں نے حسن سے دوری اختیار کرنا شروع کی تو اس نے مجھے ڈرانا دھمکانہ شروع کردیا۔
ٹک ٹاکر نے انکشاف کیا کہ ایک بار مجھے حسن نے اپنے دوست کے سامنے مارا پیٹا بھی، جس کی وجہ سے میں بہت ڈر گئی تھی۔
سامعہ نے بات جاری رکھتے ہوئے کہا وہ نکاح کے پیپر منگوا لیتا تھا اور کہتا تھا سائن کرو، ایسی حرکتیں کرتا تھا جس کے بعد میں کہتی تھی ایسے شادی نہیں کریں گے، میں اپنی امی سے بات کرتی ہوں، سب کے سامنے شادی کریں گے