بانی پی ٹی آئی کے بھانجے کو کوٹ لکھپت جیل سے رہا کردیا گیا

بانی پی ٹی آئی کے بھانجے کو کوٹ لکھپت جیل سے رہا کردیا گیا، عدالت نے ایک لاکھ روپے کے مچلکے جمع کرانے کا حکم دیا تھا۔
کوٹ لکھپت جیل سے پاکستان تحریک انصاف کے بانی عمران خان کے بھانجے کو رہائی مل گئی ہے، ایک لاکھ کے ضمانتی مچلکے جمع کرانے پر رہائی کی روبکارجاری ہوئے تھے، انسداد دہشت گردی عدالت کی جانب سے شاہریز کے روبکار جاری ہوئے۔
رہائی ملنے کے بعد بانی پی ٹی آئی کے بھانجے شاہریز کو ان کی فیملی اور لیگل ٹیم لےکر جیل سے روانہ ہوگئی ہے۔
یہ بھی پڑھیں: بانی پی ٹی آئی کے بھانجے شاہ ریز خان کی درخواست ضمانت منظور
دریں اثنا بانی پی ٹی آئی کے دوسرے بھانجے شیرشاہ کو بھی ضمانت مل گئی، عدالت نے ایک لاکھ روپے کےمچلکے جمع کرانے کا حکم دیا۔
انسداد دہشتگردی کی عدالت (اے ٹی سی) لاہور میں 9 مئی جناح ہاؤس حملہ کیس میں پی ٹی آئی کے بانی عمران خان کے بھانجے اور علیمہ خان کے بیٹے، شیر شاہ خان کی درخواست ضمانت پر سماعت ہوئی تھی۔
اے ٹی سی کے ایڈمنسٹریٹو جج منظر علی گل نے ضمانت منظور کرتے ہوئے عمران خان کے بھانجے شیرشاہ خان کو ایک لاکھ روپے کے مچلکے جمع کرانے کا حکم دیا تھا۔
سماعت کے دوران شیرشاہ خان کی والدہ علیمہ خان بھی عدالت میں موجود تھیں، شیرشاہ خان کے وکیل کا کہنا تھا کہ ملزم کے خلاف کوئی ثبوت موجود نہیں ہے۔
شیر افضل مروت کا پی ٹی آئی سے کوئی تعلق نہیں رہا، کوئی اور پارٹی جوائن کر لیں، علیمہ خان