اسلام آباد : وفاقی وزیر داخلہ محسن نقوی آج وزیراعظم شہباز شریف سے ملاقات کریں گے اور صدرِ مملکت آصف علی زرداری کا پیغام پہنچائیں گے۔
تفصیلارت وفاقی وزیرداخلہ محسن نقوی پی پی ن لیگ تناؤ کم کرنے کےلیے سرگرم ہیں، وہ آج وزیراعظم شہباز شریف سے ملاقات کریں گے اور اور صدرِ مملکت آصف علی زرداری کا پیغام پہنچائیں گے
ذرائع نے بتایا کہ صدر زرداری نے محسن نقوی کو پیپلز پارٹی اور ن لیگ کے درمیان بڑھتے سیاسی تناؤ کو کم کرنے کا ٹاسک دیا ہے۔
ذرائع کا کہنا ہے کہ وزیراعلیٰ پنجاب کے حالیہ بیانات پر پیپلز پارٹی نے ناراضی کا اظہار کیا تھا، جس کے بعد پارٹی نے سینیٹ اور قومی اسمبلی میں حکومت سے تعاون ختم کر دیا تھا۔
جس کے باعث پیپلز پارٹی کے سینیٹ ،قومی اسمبلی سے واک آؤٹ کے باعث ایوان کی کارروائی متاثر ہورہی تھی جبکہ اسپیکر قومی اسمبلی کے پاس دونوں جماعتوں کی قیادت کے مذاکرات ناکام ہوئے تھے۔
گزشتہ روز محسن نقوی نے بلاول ہاؤس کراچی میں صدر آصف زرداری سے ملاقات کی تھی ، جس میں سیاسی صورتحال اور سندھ و پنجاب حکومتوں کے درمیان پیدا ہونے والے تناؤ پر گفتگو ہوئی۔
صدر مملکت نے وزیر داخلہ کو موجودہ صورتحال میں مثبت کردار ادا کرنے کی ہدایت کی
