پشاور : انتہائی مطلوب دہشت گردوں کی فہرست محکمہ داخلہ کو ارسال

تفصیلات کے مطابق کاؤنٹر ٹیررازم ڈیپارٹمنٹ (سی ٹی ڈی) خیبر پختونخوا نے انتہائی مطلوب دہشت گردوں کی فہرست محکمہ داخلہ کو ارسال کر دی ہے۔
سی ٹی ڈی حکام نے بتایا کہ صوبے میں مجموعی طور پر 1351 انتہائی مطلوب دہشت گرد موجود ہیں، جن کے سروں کی مجموعی قیمت 4141 ملین روپے مقرر کی گئی ہے۔
اعداد و شمار کے مطابق پشاور میں 185، بنوں میں 117، شمالی وزیرستان میں 129 اور ڈیرہ اسماعیل خان میں 111 انتہائی مطلوب دہشت گرد ہیں۔
اسی طرح سوات میں 107، مردان میں 51، کرک میں 72، کوہاٹ میں 65 اور باجوڑ میں 42 انتہائی مطلوب دہشت گردوں کی نشاندہی کی گئی ہے۔
سی ٹی ڈی کے مطابق مطلوب دہشت گردوں میں کسی خاتون کا نام شامل نہیں ہے