پاکستان اور بنگلادیش کے درمیان 14 سال بعد فضائی رابطے بحال ہو گئے، جس کے تحت بمان ایئر کی پرواز ڈھاکا سے روانہ ہو کر جناح انٹرنیشنل ایئرپورٹ پر لینڈ کر گئی
جہاں طیارے کو واٹر سیلوٹ پیش کیا گیا۔ پرواز حضرت شاہ جلال انٹرنیشنل ایئرپورٹ سے 149 مسافروں کو لے کر پہنچی، مسافروں نے خوشی کا اظہار کیا اور ایئرپورٹ پر خصوصی تقریب منعقد ہوئی جس میں کیک کاٹا گیا۔
تقریب میں کامران ٹیسوری اور بنگلادیش کے ڈپٹی ہائی کمشنر ثاقب صداقت نے شرکت کی، جبکہ بمان ایئرلائن ہفتے میں دو پروازیں کراچی اور ڈھاکا کے درمیان چلائے گی جن کے ٹکٹ بڑی حد تک فروخت ہو چکے ہیں۔
