پاکستان میں جدید ٹرین منصوبے کے لئے جلد مفاہمتی یادداشت پر دستخط ہونے کے امکانات

اسلام آباد : پاکستان میں جدید ٹرین منصوبے کے لئے جلد مفاہمتی یادداشت پر دستخط ہوں گے، صوبے کی تکمیل سے شہریوں کو جدید سفری سہولت فراہم ہوگی۔
تفصیلات کے مطابق وزیراعظم اور وفاقی وزیر داخلہ کی ہدایت پر جڑواں شہروں کے لیے جدید ٹرین منصوبے میں اہم پیشرفت ہوئی ہے۔ اس حوالے سے مفاہمتی یادداشت (ایم او یو) کے مسودے کو حتمی شکل دینے کے لیے اجلاس منعقد کیا گیا۔
اجلاس کی صدارت چیئرمین سی ڈی اے محمد علی رندھاوا نے کی، جس میں منصوبے کے روٹ، بزنس ماڈل اور ماحول دوست ٹیکنالوجی پر غور کیا گیا۔
اجلاس میں فیصلہ کیا گیا کہ سی ڈی اے اور پاکستان ریلویز جلد ایم او یو پر دستخط کریں گے۔
چیئرمین سی ڈی اے نے کہا کہ منصوبے کی تکمیل سے جڑواں شہروں میں ٹریفک کے بہاؤ میں نمایاں کمی آئے گی اور شہریوں کو جدید سفری سہولت فراہم ہوگی۔
انہوں نے مزید بتایا کہ فیڈر الیکٹرک بس سروس کو ٹرین سے منسلک کیا جائے گا تاکہ ٹرانسپورٹ کا مربوط نظام بنایا جا سکے۔
چیئرمین کے مطابق منصوبے میں بین الاقوامی معیار اور جدید تجربات کو مدنظر رکھا جائے گا تاکہ عوام کو بہترین سہولت فراہم کی جا سکے۔