: پاکستان کی سیکیورٹی فورسز کیخلاف بھارتی اورافغان اکاؤنٹس کی جانب سےجھوٹ پھیلانےکاپردہ چاک ہوگیا۔
تفصیلات کے مطابق بھارتی پروپیگنڈا مشینری اپنی پراکسی فتنہ الخوارج کی سپورٹ میں کھل کر سامنے آگئی اور پاکستان کی سیکیورٹی فورسز کیخلاف بھارتی اور افغان اکاؤنٹس کی جانب سے جھوٹ پھیلانے کا پردہ چاک ہوگیا ہے۔
ہندوستانی پروپیگنڈا اکاؤنٹس نے فتنہ الخوارج ٹی ٹی پی کے میڈیا ونگ “اوسینٹ ٹی وی”کا حوالہ دیتے ہوئے جھوٹا دعویٰ کیا کہ پاک فوج کےکچھ فوجیوں نے طالبان میں شمولیت اختیار کی۔
حقیقت اس کے برعکس ہے، پاکستانی فوج کے کسی اہلکار کی جانب سے ایسا کوئی واقعہ پیش نہیں آیا اور نہ ہی اس نوعیت کی کوئی رپورٹ سامنے آئی۔
فتنہ الخوارج کی سپورٹ میں ہندوستانی پروپیگنڈا اکاؤنٹس کا دعویٰ من گھڑت اورمربوط ڈس انفارمیشن مہم کا حصہ ہے، جس کا مقصد پاکستان کی سیکیورٹی فورسز کے حوصلے پست کرنا اور دہشتگردوں کے بیانیے کو تقویت دینا ہے۔
ماہرین کے مطابق بھارتی پروپیگنڈا مشینری مودی حکومت کی ایماء پر پاکستان کے خلاف نفرت انگیز اور تخریبی مہمات میں مسلسل مصروف عمل ہے
