پاکستان اور جنوبی افریقہ کے درمیان دوسرا ٹی ٹوئنٹی میچ آج قذافی اسٹیڈیم لاہور میں کھیلا جائیگا

پاکستان اور جنوبی افریقہ کے درمیان دوسرا ٹی ٹوئنٹی میچ آج قذافی اسٹیڈیم لاہور میں کھیلا جائیگا۔
رپورٹس کے مطابق پاکستان اور جنوبی افریقہ کے درمیان دوسرے ٹی ٹوئنٹی میچ کے موقع پر قذافی اسٹیڈیم اور اطراف میں پولیس کے خصوصی دستے تعینات کئے جائیں گے۔
سی سی پی او لاہور کے مطابق لاہور پولیس کھیلوں کے فروغ کیلئے محفوظ اور سازگار ماحول فراہم کر رہی ہے، ٹریفک کی روانی برقرار رکھنے کیلئے جامع پلان تشکیل دیا ہے۔
واضح رہے کہ جنوبی افریقا نے پہلے ٹی 20 میچ میں پاکستان کو 55 رنز سے شکست دے کر تین میچوں کی سیریز میں 1-0 کی برتری حاصل کر رکھی ہے۔ اس لیے پاکستان کے لیے دوسرا ٹی ٹوئنٹی جیتنا ضروری ہے۔

راولپنڈی میں کھیلے گئے میچ میں جنوبی افریقا کی جانب سے دیے گئے 195 رنز کے تعاقب میں پاکستان کی ٹیم 18.1 اوورز میں 139 رنز پر ڈھیر ہوگئی تھی۔
صائم ایوب 37 اور محمد نواز 36 رنز بنا کر آؤٹ ہوئے، بابر اعظم ٹی 20 میں واپسی پر بغیر کوئی رن بنائے پویلین لوٹ گئے، کپتان سلمان علی آغا 2 رنز بنا کر کوربن بوش کا نشانہ بنے۔عثمان خان 12 رنز بنا کر اسٹمپ آؤٹ ہوئے، حسن نواز 3 رنز بناسکے۔
محمد شامی کی طوفانی بولنگ، دو میچز میں 15 وکٹیں اڑادیں
کوربن بوش نے 4 کھلاڑیوں کو آؤٹ کیا، جارج لندے نے تین اور لیزاد ولیمز نے دو وکٹیں حاصل کیں۔
جنوبی افریقا نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر 194 رنز بنائے اور پاکستان کو جیت کے لیے 195 رنز کا ہدف دیا تھا۔