ملتان سلطانز کا پاکستان کرکٹ بورڈ کو خط

لاہور: ملتان سلطانز نے پاکستان کرکٹ بورڈ کو خط لکھ دیا، چیئرمین پی سی بی کےنام علی خان ترین کے خط میں پی ایس ایل کیلئے اصلاحات تجویز کی گئی ہیں۔
ملتان سلطان کے مالک علی ترین نے اپنے خط میں کہا ہے کہ ان تجاویز کا مقصد شفافیت اور بہتر گورننس کے ذریعے پی ایس ایل کو مضبوط بنانا ہے، علی خان ترین کی جانب سے پی ایس ایل لیگ کیلئے فرنچائز کی دیرینہ وابستگی کا اعادہ کیا گیا، خط میں ایڈہاک فیصلہ سازی، محدود انتظامی تجربے سے متعلق خدشات کا اظہار کیا گیا ہے۔
خط کے مندرجات میں کہا گیا کہ پی ایس ایل کمیٹیوں او رورکنگ گروپس میں فرنچائز کی نمائندگی ہونی چاہیے، پاکستان سپر لیگ کے اہم رول کےلیے منظم خدمات حاصل کرنا ضروری ہے
پی سی بھی کو لکھے گئے خط میں علی ترین نے کہا کہ میرٹ کی بنیاد پر بھرتی اور پیشہ ورانہ معیار کو بہتر بنانے کیلئے ہر رول کی وضاحت ہونی چاہیے۔
یہ بھی پڑھیں: ویڈیو: ملتان سلطانز کے اونر علی ترین نے پی سی بی کا لیگل نوٹس پھاڑ دیا
امیدواروں کی جانچ، انتخاب سے پہلے ان پٹ فراہم کرنے میں فرنچائزز کی شرکت ضروری ہونی چاہیے، پی ایس ایل میں اعلیٰ علاقائی ٹیلنٹ کو راغب کرنےکی صلاحیت ہے، علاقائی ٹیلٹ کو راغب کرنے کیلئے صرف پی سی بی کے موجودہ یا سابق ملازمین پر انحصار نہیں کرنا چاہیے۔
علی ترین نے خط میں مزید کہا کہ آپریشنز، مارکیٹنگ، مداحوں کی سرگرمیوں، کھلاڑیوں کے معاملات اور مالی امور کیلئے ایک اہل ایگزیکٹیو ٹیم قیادت کرے۔
انھوں نے کہا کہ طےشدہ تاریخوں پر ماہانہ میٹنگز ایجنڈے کیساتھ پہلے سے مطلع کی جائیں، منٹس ریکارڈ اور شیئر کیے جائیں، یہ تجویز منظم شراکت داری پر زوردیتی ہے
خط میں مزید کہا گیا کہ تجویزعالمی سطح پر مقبول لیگ کی تعمیر کے مقصد کے تحت اسٹیک ہولڈرز کی صف بندی پر زور دیتی ہے، ایک کامیاب دہائی کے بعد پی ایس ایل کو اگلے درجے تک لے جانے کا وقت آگیا ہے۔