مئی 2025 کے بعد سرمایہ کاروں کا پاکستان پر اعتماد نمایاں طور پر بڑھ گیا ہے جس کے نتیجے میں پاکستان کا KSE-100 انڈیکس بھارت کے سینسیکس کو پیچھے چھوڑ گیا ہے۔ اعداد و شمار کے مطابق 2 مئی 2025 کو پاکستان کا انڈیکس 80,335 پوائنٹس پر تھا جبکہ بھارت کا سینسیکس 103,527 کی سطح پر موجود تھا۔ تاہم صرف ساڑھے تین ماہ کے دوران پاکستان کا انڈیکس 150,591 تک جا پہنچا جبکہ بھارتی سینسیکس 81,858 پر سمٹ گیا۔
ماہرین کے مطابق مئی سے اب تک پاکستان کے KSE-100 میں 31 فیصد اضافہ ریکارڈ کیا گیا ہے جبکہ بھارت کا سینسیکس صرف 2 فیصد بڑھ سکا۔ یہ رجحان اس بات کی نشاندہی کرتا ہے کہ سرمایہ کاروں نے خطے میں سیاسی اور معاشی حالات کے پیشِ نظر پاکستان کو زیادہ پرکشش سمجھا۔ اقتصادی ماہرین کے مطابق یہ صورتحال پاکستان کی معیشت میں عالمی اعتماد کی بحالی اور سرمایہ کاری کے نئے امکانات کی علامت ہے۔
