ایل پی جی کی بھرائی اور کٹ ورکشاپس پر پابندی

پشاور (29 اکتوبر 2025): پشاور میں غیر قانونی لیکویفائیڈ پیٹرولیم گیس (ایل پی جی) کی بھرائی اور کٹ ورکشاپس پر پابندی عائد کر دی گئی۔
انتظامیہ کی جانب سے جاری اعلامیے میں بتایا گیا کہ غیر قانونی گیس بھرائی اور گاڑیوں میں سلنڈر یا ٹینک کے ذریعے گیس کے استعمال پر پابندی ہوگی، گیس بھرائی اور ناقص سلنڈرز انسانی جانوں کیلیے خطرہ ہیں۔
اعلامیے کے مطابق ناقص سلنڈرز اور غیر قانونی گیس بھرائی سے حادثات پیش آ سکتے ہیں، دفعہ 144 کے تحت 30 روز تک پابندی برقرار رہے گی جبکہ خلاف ورزی پر تعزیرات پاکستان کے تحت کارروائی کی جائے گی۔