خاتون 18 سال بعد سابق شوہر سے نان نفقہ لینے میں کامیاب

خاتون کو 18 سال بعد انصاف مل گیا سابق شوہر نے عدالت کے روبرو نان نفقہ ادا کرنے پر رضامند ہو گیا۔
رہنما نیوز کے مطابق خاتون نے سابق شوہر کو 18 سال بعد نان نفقہ دینے پر مجبور کر دیا اور دونوں کے درمیان عدالت کے روبرو معاہدہ ہو گیا۔
جوڈیشل مجسٹریٹ جنوبی کراچی نے خاتون کے سابق شوہر کو 25 لاکھ روپے 18 سال کے نان نفقہ کی مد میں اگلے سال تک 5 اقساط میں ادا کرنے کا حکم دیا۔ رقم کی ادائیگی کے بعد فریقین ایک دوسرے پر کوئی دعویٰ نہیں کریں گے۔
مذکورہ خاتون نے نان نفقہ کے لیے 2007 میں عدالت سے رجوع کیا تھا۔ سیشن کورٹ اور ہائیکورٹ سے اپیلیں مسترد ہونے پر خاتون نے سپریم کورٹ سے رجوع کیا تھا۔
بعد ازاں مدعا علیہان نے دوبارہ سندھ ہائیکورٹ سے رجوع کیا اور عدالت عالیہ نے درخواست منظور کرتے ہوئے کیس دوبارہ ٹرائل کورٹ میں بھیجتے ہوئے جلد فیصلہ کرنے کا حکم جاری کیا تھا۔
ٹرائل کورٹ نے فریقین کے درمیان ثالثی کا کردار ادا کیا اور رضامندی سے معاہدہ طے ہوا۔ 25 لاکھ ادائیگی کے بعد فریقین ایک دوسرے پر کوئی دعویٰ نہیں کریں گے۔
واضح رہے کہ گزشتہ ماہ سپریم کورٹ نے بھی بیوی کے نان نفقہ سے متعلق اہم فیصلہ دیا تھا