کراچی سے زیادہ لاہور اور اسلام آباد پسند ہیں: صبا قمر

شوبز انڈسٹری کی معروف اداکارہ صبا قمر کا کہنا ہے کہ مجھے کراچی سے زیادہ لاہور اور اسلام آباد پسند ہیں۔
اداکارہ صبا قمر کے کراچی سے متعلق بیان پر سوشل میڈیا پر نئی بحث چھیڑ دی اور صارفین کی جانب سے انہیں تنقید کا نشانہ بنایا جارہا ہے۔
اداکارہ نے حال ہی میں نجی ٹی وی کے پوڈ کاسٹ میں شرکت کی اس دوران کراچی سے متعلق اپنی رائے کا اظہار کیا۔
پوڈکاسٹ میں ان سے سوال کیا گیا تھا کہ کیا آپ کام کے لیے کراچی منتقل ہونے کے لیے تیار ہیں؟ تو صبا قمر نے فوراً جواب دیا کہ استغفراللّٰہ کبھی نہیں۔
یہ پڑھیں: میری ناک بہت تیز ہے لوگوں کو سونگھتی ہوں، صبا قمر
انہوں نے کہا کہ خیر، انسان کبھی نہیں جانتا کہ مستقبل میں کیا ہو، لیکن میں کراچی میں صرف کام کے لیے جاتی ہوں، اپنا کام مکمل کرتی ہوں اور واپس آجاتی ہوں، مجھے لاہور اور اسلام آباد پسند ہیں، اگر کوئی کراچی میں مجھے گھر لے دے تو ٹھیک حالانکہ میں نے وہاں اپنا ایک گھر بنا بھی لیا ہے۔
انہوں نے کہا کہ آہستہ آواز میں کہا کہ مجھے کراچی پسند نہیں۔ تمام پروجیکٹس جو کراچی میں شوٹ ہورہے ہیں انہیں اسلام آباد منتقل کردینا چاہیے۔
مداحوں کا کہنا ہے کہ کراچی جیسے بڑے شہر کے بارے میں منفی رائے کا اظہار ایک معروف اداکارہ کے شایانِ شان نہیں۔
ایک صارف نے لکھا کہ صبا قمر نے کراچی کے لیے استغفراللّٰہ کہا یہ کتنی بری بات ہے، دوسرے نے کہا جب کراچی کے ڈراموں میں کام کرتی ہیں تو اسی شہر کے بارے میں ایسی باتیں کیوں کرتی ہیں؟
ایک اور صارف نے طنز کرتے ہوئے لکھا کہ پنڈی اور پنجاب کے لوگ کراچی کے بارے میں عجیب جنون رکھتے ہیں۔