وزیراعلیٰ پنجاب کے سیکیورٹی اسکواڈ میں اچانک بڑی تبدیلی

لاہور: وزیراعلیٰ پنجاب مریم نواز شریف کے سیکیورٹی اسکواڈ میں اچانک بڑی تبدیلی سامنے آئی ہے، پرانے سیکیورٹی آفیسر کو تبدیل کردیا گیا۔
پنجاب کی وزیراعلیٰ مریم نواز کے چیف سیکیورٹی آفیسر کو فوری طور پر تبدیل کردیا گیا ہے، پی ایس او ٹو آئی جی پنجاب ایس پی حمزہ امان اللہ کو وزیراعلیٰ کا نیا چیف سیکیورٹی آفیسر تعینات کیا گیا ہے۔
اس کے علاوہ ایس پی ارسلان زاہد اور ایس پی احمد زنیر چیمہ بھی وزیراعلیٰ پنجاب مریم نواز شریف کی سیکیورٹی پر تعینات ہونگے۔

پچھلے ہفتے وزیراعلیٰ مریم نواز کی جانب سے ٹریفک پولیس اور ستھرا پنجاب کی ٹیموں کےلیے نیا حکم نامہ جاری کیا گیا تھا جس پر فوری عمل درآمد کا حکم دیا گیا تھا۔
وزیراعلیٰ مریم نواز شریف کی ہدایت پر اسموگ کے پیش نظر صوبہ پنجاب میں ٹریفک پولیس اور ستھرا پنجاب کے اہلکاروں کےلئے ماسک پہننا لازمی قرار دیا گیا ہے۔
ہدایت نامے میں کہا گیا تھا کہ ٹریفک کے دھوئیں میں کھڑے ٹریفک پولیس اہلکاروں کےلئے ماسک پہننا لازمی ہوگا، سینئر افسران اس پر عمل درآمد یقینی بنائیں گے۔