کراچی: پولیس اہلکار اسمگلر نکلا!

رینجرز نے کارروائی کرتے ہوئے 6 اسمگلرز گرفتار کر لیے ان میں ایک معطل پولیس اہلکار بھی شامل ہے۔
رہنما نیوز کے مطابق رینجرز نے ماڑی پور روڈ پر کامیابی کارروائی کرتے ہوئے 6 اسمگلرز کو گرفتار کیا ہے۔ ان میں ایک معطل پولیس کانسٹیبل بھی شامل ہے۔
ترجمان رینجرز کے مطابق اس کارروائی میں گرفتار ملزمان سے 528 کلو گرام چھالیہ برآمد کی گئی، جس کی مالیت لاکھوں روپے ہے جب کہ ملزمان کے قبضے سے تین کاریں، ایک موٹر سائیکل اور جعلی نمبر پلیٹس بھی برآمد کی ہیں۔
رینجرز نے ملزمان سے 6 موبائل فونز اور نقدی بھی برآمد کی ہے جب کہ گرفتار تمام ملزمان کو مزید کارروائی کے لیے پولیس کے حوالے کر دیا گیا ہے۔