اداکارہ میمونہ قدوس کا کہنا ہے کہ کراچی کے لوگ رشتے نہیں بناتے ڈیل کرتے ہیں۔
شوبز انڈسٹری کی اداکارہ میمونہ قدوس نے حال ہی میں پوڈ کاسٹ میں شرکت کی اس موقع پر مختلف موضوعات پر اظہار خیال کیا۔
انہوں نے کہا کہ کراچی کے لوگ بہت زیادہ پروفیشنل ہیں انسانیت ہی ختم ہوگئی ہے، آپ کے سامنے ڈیل رکھیں گے گرل فرینڈ بننا ہے تو یہ سب کچھ ہے اگر نہیں بننا تو کچھ بھی نہیں ہے۔
اداکارہ نے کہا کہ لوگوں کے ذہن میں یہ چل رہا ہوتا ہے کہ یہ میرے کس کام آسکتا ہے ہاں کل کو میں اس سے یہ کام نکلوا سکتا ہوں۔
میمونہ قدوس نے کہا کہ کراچی میں کوئی بغیر مطلب کے آپ کے کسی کام نہیں آئے گا، اتنا پریکٹیکل ہونا میرے خیال میں آپ کو انسانیت کے دائرے سے بھی باہر نکال دیتا ہے۔
ان کا کہنا تھا کہ کراچی کے مقابلے لاہور کی شوبز انڈسٹری میں زیادہ گند ہیں، لاہور کے لوگ زیادہ غلط ہیں۔
اداکارہ کے مطابق لاہور میں زیادہ گند ہے، وہاں سر عام پارٹیاں ہوتی ہیں جب کہ ایسے غلط کام نجی پارٹیوں میں کیے جانے چاہئیے۔
میمونہ قدوس کا کہنا تھا کہ لاہور کے لوگ زیادہ دکھاوا بھی کرتے ہیں، ان کے پاس لاکھوں روپے بھی نہیں ہوتے لیکن باتیں کروڑوں روپے کی کرتے ہیں۔
