پاک بحریہ کی آپریشن کے دوران مشکوک ماہی گیروں کی کشتی سے منشیات ضبط کرلی

پاک بحریہ نے بحیرہ عرب میں بڑے آپریشن کے دوران مشکوک ماہی گیروں کی کشتی سے 130 ملین ڈالر مالیت کی منشیات ضبط کرلی۔تفصیلات کے مطابق پاک بحریہ نے بحیرہ عرب میں بڑا انسدادِ منشیات آپریشن کرتے ہوئے 130 ملین ڈالر مالیت کی 2000 کلوگرام سے زائد میتھم فیٹامائن (آئس) برآمد کرلی۔ترجمان پاک بحریہ نے بتایا کہ یہ کارروائی پی این ایس تبوک نے ریجنل میری ٹائم سیکیورٹی پٹرولنگ کے دوران کی۔آپریشن سعودی عرب کی زیرِ قیادت کمبائنڈ میری ٹائم فورسز کی ٹاسک فورس 150 کی معاونت سے انجام دیا گیا۔آپریشن کے دوران مشکوک ماہی گیر کشتی کو روکا گیا اور تلاشی کے دوران بھاری مقدار میں آئس برآمد ہوئی۔ترجمان کے مطابق یہ انسدادِ منشیات کارروائی گزشتہ دو ماہ میں پاک بحریہ کا مسلسل تیسرا کامیاب آپریشن ہے۔