گزشتہ شب پولیس اسٹیشن مکی شاہ کی حدود میں پولیس اور ڈاکوؤں کے درمیان فائرنگ کے تبادلے کے دوران خطرناک ڈاکو امان اللہ ہلاک ہوگیاتھا۔ابتدائی تفتیش میں یہ بات سامنے آئی ہے کہ ہلاک ڈاکو امان اللہ متعدد وارداتوں میں ملوث تھا، جن میں شہریوں سے موٹر سائیکل چھیننے سمیت دیگر سنگین جرائم شامل ہیں، ہلاک ملزم کے خلاف اس سے قبل حیدرآباد کے مختلف تھانہ جات پر 8کیسز داخل ہیں۔
ہلاک ملزم Ps نسیم نگر کے مقدمہ 184/2021 زیر دفعہ 392,34ppc میں اشتہاری تھا جبکہ تھانہ ھتڑی کے مقدمہ 252/2025 زیر دفعہ 395,397ppc میں مطلوب تھا۔
دوران تفتیش یہ انکشاف ہوا کہ ہلاک ملزم ایک منظم اور خطرناک ڈاکو گروہ کا رکن تھا، جس کا ایک ساتھی فرید چانگ چند روز قبل ہتڑی پولیس کے ساتھ مقابلے میں مارا جا چکا ہے۔
مزید براں، پولیس کو حاصل ہونے والی مختلف سی سی ٹی وی فوٹیجز میں بھی ہلاک ملزم اور اس کے ساتھیوں کی شناخت کی گئی ہے، جن میں انہیں مختلف وارداتیں کرتے دیکھا جا سکتا ہے۔
ہلاک ملزم کے خلاف پولیس اسٹیشن مکی شاہ میں مقدمہ نمبر 155/2025 بجرم دفعہ 324، 353، تعزیراتِ پاکستان,25 سندھ آرمس ایکٹ تحت درج کر لیا گیا ہے، جب کہ مزید تفتیش جاری ہے۔
