ہوٹل میں ہونے والی آتشزدگی :جانی نقصان کی وجہ مالکان اور عملے کی غلفت

ترکیہ کے ایک ہوٹل میں ہونے والی آتشزدگی کے باعث بڑے پیمانے پر ہونے والے جانی نقصان کی وجہ مالکان اور عملے کی غلفت کے طور پر سامنے آئی ہے۔
بین الاقوامی خبر رساں ادارے کی رپورٹ کے مطابق رواں سال کے آغاز پر اس افسوسناک واقعے میں 34 بچوں سمیت 78 افراد زندگی کی بازی ہار گئے تھے جبکہ 137 زخمی ہوئے تھے۔
رپورٹس کے مطابق ہوٹل آتشزدگی کے واقعے کی تحقیقات کے دوران ہوٹل انتطامیہ کی غفلت سامنے آنے پر ان کے خلاف مقدمات درج کیے گئے تھے جس پر آج عدالت نے سزا سنا دی۔
12 منزلہ ہوٹل آتشزدگی کیس میں ترکیہ کی صوبائی عدالت نے مالک سمیت 11 ملزمان کو عمر قید کی سزا سنا دی۔
عدالتی فیصلے کے مطابق ہوٹل کی انتظامیہ سنگین غفلت کی مرتکب پائی گئی جس کا مرکزی ذمہ دار مالک ہے۔
فیصلے میں کہا گیا کہ ہوٹل میں ہنگامی صورت حال سے نمٹنے کے لیے کوئی انتظامات نہیں کیے گئے تھے جس کے باعث زیادہ جانی نقصان ہوا۔
کولکتہ کے ہوٹل میں آگ لگنے سے 14 افراد لقمہ اجل بن گئے
عدالت کے مطابق ہوٹل میں احتیاطی تدابیر کا بھی فقدان تھا اور عملہ بھی غیر تجربہ کار تھا جس کے باعث قیمتی انسانی جانیں ضائع ہوگئیں۔
عدالت اس بات پر زور دیا کہ ہوٹل کے اجازت نامے جاری کرتے ہوئے سرکاری محکموں نے بھی غفلت دکھائی۔