ہزارہ موٹروے پر ڈمپر نے گاڑی کو کچل دیا، 5 افراد جاں بحق

رہنما نیوز کے مطابق ہزارہ موٹر وے پر پیش آنے والے حادثے میں 2 خواتین بھی شامل ہیں، جاں بحق افراد گاڑی میں سوار تھے۔
حادثے میں جاں بحق افراد گاڑی میں سوار تھے، لاشیں حویلیاں اسپتال منتقل کردی گئی ہیں۔
پولیس حکام کے مطابق جاں بحق افراد کا تعلق گلگت بلتستان سے بتایا جارہا ہے۔
نوشہرو فیروز میں قومی شاہراہ پرخوفناک ٹریفک حادثہ پیش آیا تھا، حادثے میں 7 افراد جاں بحق ہوگئے تھے، مرنے والوں میں 3 خواتین اور دو بچے بھی شامل تھے۔
جاں بحق ہونے والے 2 افراد کی شناخت غلام محمد جانوری اور علی احمد جانوری کے نام سے ہوئی تھی۔
نوشہرو فیروز پولیس کے مطابق جاں بحق 3 خواتین اور 2 بچوں کی شناخت تاحال نہیں ہوسکی تھی، حادثے کے بعد فرار ہونے والے ڈمپر ڈرائیور کو پولیس نے حراست میں لے لیا تھا۔